Fara á efnissvæði

Hússjóður

Félagsbústaðir innheimta mánaðarlega hússjóðsgjöld til að standa straum af sameiginlegum kostnaði í fjölbýlishúsum, sbr. lög um fjöleignahús nr. 26/1994 og húsaleigulög nr. 36/1994.   

Félagsbústaðir eiga bæði stakar íbúðir og heil fjölbýlishús. Húsfélög, þar sem Félagsbústaðir eiga stakar íbúðir, senda Félagsbústöðum reikning mánaðarlega og eru gjöldin ákveðin af stjórnum húsfélaganna. Hússjóðsgjöld skiptast hlutfallslega jafnt á milli allra íbúa fjölbýlishússins miðað við eignaskiptasamning. Hússjóðsgjöld í fjölbýlishúsum sem eingöngu eru í eigu Félagsbústaða eru ákvörðuð með hliðsjón af rekstrarkostnaði liðins árs.

Hússjóðsgjöld fjölbýlishúsa eru misjöfn milli húsa eftir því hvað er innifalið í þeim. Það sem er oft innifalið í hússjóðsgjöldum er hiti, rafmagn, umhirða lóðar t.d. garðsláttur og snjómokstur, sorphirða og endurvinnsla. Stundum eru aðkeypt þrif inn í hússjóð en annars skipta íbúar með sér þrifum sameignar. Þetta telst til almenns reksturs á sameign og leigjanda ber að greiða samkvæmt 23.gr.a húsaleigulaga nr. 36/1994.

Þessi vefur notar vafrakökur. Lesa skilmála