Chat with us, powered by LiveChat

ERTU AÐ FLYTJA ANNAÐ?

Ætlir þú að flytja annað er mikilvægt að láta þjónustuborð vita og fá þannig upplýsingar um hvað þarf að hafa í huga þegar íbúð er skilað.

Ef þú ákveður að flytja annað skaltu tilkynna uppsögn á leigusamningi íbúðar til þjónustuborðs Félagsbústaða með tölvupósti, í síma eða á netspjalli. Almennt er þriggja mánaða uppsagnarfrestur á leigu en við reynum eftir fremsta megni að vera sveigjanleg og koma til móts við leigjendur við skil á íbúðum. Leiga er greidd fyrir þann mánuð sem lyklum er skilað á skrifstofu Félagsbústaða.

Formleg skil íbúða eiga sér stað á skrifstofunni okkar þar sem þú fyllir út skilablað með helstu upplýsingum, undirritar og afhendir lyklana að íbúðinni. Áður en þú skilar íbúðinni þarft þú að:

  1. Tæma íbúðina alveg og þrífa hana.
    Félagsbústaðir gera kröfur um þrif á íbúð áður en lyklum er skilað. Þrif þurfa að fela í sér að gólf séu skúruð, innréttingar í eldhúsi, baðherbergi og þvottahúsi (ef við á) séu þrifnar (allir skápar og skúffur, bakaraofn og vifta), sturta og baðkar þrifin, fataskápar þrifnir og strokið af veggjum. Sópa þarf af svölum og strjúka af hillum í geymslu (ef við á) og þrífa gólf. Ef þrifum er ábótavant er þrifagjald að upphæð 85.000 krónur innheimt eftir skil íbúðar. Gjaldinu er ætlað að koma til móts við þann kostnað sem fellur til við alhliða hreingerningu framkvæmda af fagaðila. Ef munir eru skildir eftir í íbúð er kostnaður við rýmingu og förgun innheimtur hjá leigjanda skv. útlögðum kostnaði.
  2. Tilkynna flutning á rafmagnsmæli til Veitna.
    Ef þig vantar númer á rafmagnsmælinum sem tilheyrir þinni íbúð getur þú hringt í Veitur í síma 516 6000, gefið upp kennitölu þína og fengið mælanúmerið uppgefið. Þú getur notað þrjár leiðir til að tilkynna flutning – í öllum tilvikum skaltu gefa upp að Félagsbústaðir eigi íbúðina og taki við rafmagnsmælinum (kt. 510497-2799):
  • Þú getur fyllt út flutningstilkynningu og sett mynd af mælinum með hér.
  • Þú getur sent mynd af mælinum með heimilisfangi, nafni og kennitölu á veitur@veitur.is
  • Þú getur hringt í þjónustuver Veitna í síma 516 6000 og tilkynnt um flutning.
  1. Skila lyklum til skrifstofu Félagsbústaða
    Skila þarf öllum lyklum sem leigjandi fékk við afhendingu íbúðar. Lyklagjald að upphæð 15.000 kr er innheimt ef ekki er skilað a.m.k. einum lykli að öllum hurðum þ.e. inngangshurð, sameign, geymslu, póstkassa og ruslageymslu (ef við á). 

Að hverju ertu að leita?