Fara á efnissvæði

Hvernig fæ ég úthlutað?

Það er Velferðarsvið Reykjavíkurborgar sem tekur ákvarðanir um úthlutun í íbúðir Félagsbústaða.

Úthlutunarteymi félagslegs leiguhúsnæðis hjá Velferðarsviði forgangsraðar umsóknum og úthlutar í húsnæði samkvæmt reglum Reykjavíkurborgar um félagslegt leiguhúsnæði. Ákvarðanir um úthlutun taka mið af faglegu mati ráðgjafa og úthlutunarteymis ásamt stigagjöf sem ákvarðast af matsviðmiðum sem skilgreind eru í reglum um félagslegt húsnæði.

Úthlutunarteymi er heimilt að úthluta almennu félagslegu leiguhúsnæði og þjónustuíbúðum aldraðra tímabundið sem áfangahúsnæði ef aðstæður umsækjanda eru þannig að gera verður kröfu um að hann þiggi stuðning og þjónustu á meðan leigusamningur er í gildi, s.s. að umsækjandi eigi við verulegan vímuefnavanda og/eða geðræna erfiðleika að etja sem geta valdið vandamálum í tengslum við búsetu í fjölbýli. Ef tekin er ákvörðun um að úthluta íbúð sem áfangahúsnæði er gerður 6 mánaða samningur sem er svo endurskoðaður að 6 mánuðum liðnum. Annars eru samningar um félagslegt húsnæði ýmist gerðir til 3 ára eða eru ótímabundnir. 

Úthlutunarfundir fara fram á tveggja vikna fresti og hafir þú fengið úthlutað í húsnæði mun þér berast tilkynning þess efnis frá þjónustumiðstöðinni sem þú tilheyrir. Í kjölfarið skaltu hafa samband við þjónustuborð Félagsbústaða í síma 520-1500, á netspjalli eða í tölvupósti

Þessi vefur notar vafrakökur. Lesa skilmála